zahraa
01-05-2007, 09:43 PM
ليلة الدخله يمكن تكون تمام ويمكن تكون على تحت وفي كل الحالتين تعطي انطباع اولي عند اي من الاثنين
واحد في ليلة الدخله لما راح لعش الزوجيه .. يقول كانت الليله رومانسيه لأبعد الحدود والـ مالي المكان وفجأه وانا اسولف معها غلط باسمها بدل ماقول جواهر قلت هند !! وانقلبت الليله كحلي .. ومن يومها ولي الحين ثلاث سنين وهي تسال من هي هند اللي غلطت باسمها ليلة الدخله .. ؟
وهذا واحد شين مره يعني مهوب مره لكن مقاييس الوسامه ماره جنبه وكانت متعديه السرعه ومامداه ياخذ منها شي .. المهم وفقه الله ببنت مزيونه .. يقول :
في ليلة الدخله وكنا في قصر الأفراح .. وفي الزفه كنت ماسك المدام ونمشي قدام هالخلق .. ومادريت الا اسمع وحده تقول : وع وش هالشين وش طيحه بهالمزيونه يقول لي يومك والله خاطري لو اشوفها الحين كسرت راسها
وبعد حبيب قلبي الله يحفظه ومطفوق شوي لكن على نياته والحمدلله انها بعد متفهمه .يقول الليله الاولى على بالي مسكت مصارحه .. وقلت لها عن علاقاتي القديمه ومادريت الا الدموع اربع اربع .. يابنت الحلال شفيك شصار .. خلاص ماضي وانتهى .. ومافكت الا يوم قلت ابحلي الجلسه وشغلت شريط مباراة وشافتني وانا مكسور والاسعاف تشيلني وقلت على بالي بحنن قلبها علي .. : تدرين كم وحده اتصلوا يتطمنون علي ...........
وفيه أخوين معرسين على أختين يوم جا ليلة الدخله ويغلطون يدخلون الكبير على الصغيرة والصغير على الكبيرة ولا درو الا الصبح أنهم غلطانيين؟؟؟؟؟؟
واحد بيسوون فيه ربعه مقلب وهو راعي مقالب ويوم جا لليلة العرس وأمسكوه بلقوة وأحلقو شنبه من زينه شين وزاد شينه
وهذا واحد الله يذكره بالخير يقول : يوم اصبحنا ورحنا المطار بنسافر .. وركبنا الطياره وقعدنا نسولف وخذت الجوال تقلب في الارقام .. يوم شافت اسامي مره نوف ومره مشاعل ومره خلود وانا منهمك اسولف معها .. وتسألني وش هالاسامي وقلت لها جعل الطياره تطيح بي انهم اسامي محلات اتعامل معها
واحد الله يذكره بالخير يقول كانت البنت خجوله وساكته يوم دخلنا البيت واسولف معها وساكته واقولها اقربي نتعشى .. ومعطتني الخامس .. طيب أأكلك .. ولا عطتني وجه .. يقول واقولها نكته ابيها تفك .. ومابه خبر .. يوم قلت اوديك لبيت اهلك وقربت وكلت حتى الصحون وماسكتت الا الصبح من السواليف
والمصيبه لين صرت تمشي في الزفه وقامت وحده من هالملاقيف وسحبت الغتره ولا البشت
فيه بعض الحريم في الزواجات مثل ماأسمع .. بس همهم يطلعون العيوب والأخطاء السبعه في العروس والعريس .. شوفي شوفي شلون تناظره ياقوي عينها .. طيب زوجته ياناس ياحبكم للقافة
وواحد يقول اول ما دخلنا غرفة الفندق المريديان نزعت البشت
وجلسنا على مائدة الفواكه وبدات باكل التفاحه وتقديمها للمدام
وبدا السكوت المميت بينا وما عرفت وشو السوالف اللي تقال بهذي الليله
ولاني ما عرف الا سوالف الكتب وآخر ما نزل منها وسوالف الحركات القومية والاحزاب
فقلت لها تعرفين وشو عن حزب البعث قالت مش كثير وهي مستحيه
فعطيتها درس مدته ربع ساعه عن حزب البعث
وبعدين قلت لها تعرفين شئ عن الحركة البابيه والبهائيه وحقيقة إسلاميتهم
فقالت اول مره اسمع فيهم وهاك نص ساعه شرح مركز مع شرب ماء وبيبسي كل خمس دقايق
خويك متحمس للي يعرفه وهي ما بس تهز راسها
قلت لها تعرفين شئ سارتر وتلميذته سيمون دي بوفوار وكتابها الجنس الأخر
قالت هذي اكله ولا وشو قلت لا هذولا رواد علم النفس الجنسي في فرنسا
ومحطت فيها نصف ساعه في كتبهم وآرائهم الفلسفيه
قلت لها تعرفين مقولات اهل الفلسفه في الانا والانا العليا والعقول العشره
قالت ولا يوم من الايام قابلتهم وامصع فيها ساعه لشرح تلك الفلسفه اللي ذبحها الغزالي ذبحا
وبصراحه استهواني الجو وحده بس تسمع وتهز راسها كانها تقولي كمان كمان
حتى جاء الفجر وانا اطلعها من كتاب وادخلها في فكر وفلسفه ومنطق
ووالله بعد ما رحنا الفراش توني بقول لها تعرفين ع...... ن م...بد ........ا وااااااااااااااااااو
وآخذها نومه من غير والله شعور ولا اجلس الا على الظهر
يوم قمت وشفت البنت نايمه وافرد خمس اصابع مخمس على وجهي واتذكر الغلطه الكبيره
اللي وقعت فيها واقول بنفسي ما تعرف تاجل هالسوالف لليله ثانيه
المهم بعدين لما اخذنا على بعض للآن كل ما تذكرنا الموقف
تقول والله ودي اقوم واخليك تسولف لحالك بس الحيا ذبحنا
وكل ما يجيني النوم اروح للحمام واغسل وجهي عشان ما ارحجك ولا افشلك
وكل ما ودي اغير الموضوع على طول تمسكني خط بموضوع ثاني
وقعدت اقول بقلبي ياو يلي ويلاه هذا الرجال يبي ينومني على كتب ويقعدني على مقالات
بس الحمد لله بدات تفهم ان الحياة مش بس كتب
قلت لها نعم تعلمتها من الطريق الصعب
واحــد من الربــع في أول ساعات اللقاء في عش الزوجية وبعد العودة من قصر الزواج , يقول لي إرتبكت ولا عرفت إش أقــول كل ماقلت سالفة أو فتحت موضوع حسيت إني من جنب القدة , إلى أن وبدون شعور سألتها سؤال سخيييف وياييييخ .
قال لها بالمناسبة :
متى وكيف مـــات الوالـــــد ( الله يرحمه ) !
ومن عقب هالسؤال وعينك ماتشوف إلى سيل ينهمر من الدموع وتطوّر المــر إلى المشاهق وسحب المناديل ويقول أبي أرقعها ماترقعت قلت لها ( كُــلنـــا لـهــا )
يقول ضفضفت بشتي ودخلت غرفة النوم ودبختها نومة , لكن قبل ما أنام رحت للمراية وشفت وجهي وقلت مااااااااااااااالت , هــذا سؤال ,,!
يقول كل ماتذكرت هالموقف مع الحرمة يجينا موجة ضحك غير طبيعية لكن بعد أشهر من الموقف طبعاً .
وواحد يقول يوم زواجه رحنا نبارك له وفيه واحد من العيال راعي شر اشترى من الصيدليه قارورة زيت خروع ام 5 اريل
لا حرام يا فلان تأذي الناس قال اذاهم في رقبة ( الكلب ) تكرمون -يقصد خوينا - دخلنا قصر الافراح
والله جماعته رحبوا فينا وماقصروا جلسنا وتقهوينا وقام خوينا ( ابو خروع ) وقال ابي اروح للدورة
وصفوها له وراح . اثاري الملعون جلس شوي ثم راح للمطبخ وشوي رجع لنا !!
انا كنت خايف لا يكشفونه وعاد عينك ماتشوف الا النور ,,,
يالله اكرمكم الله فمان الله ,, قال شايبهم ابد والله غير تتعشون ,,
قلنا له طال عمرك مشغولين واللي مستأذن من شغله واللي عنده ضيف بس جينا نسوي الواجب
المعرس شك قال لي اكيد سويتوا فيني مصيبه وبتنحاشون قلت ابد والله تبينا نتعشى ابشر ,, قال ايه تعشوا
قلت يا شباب العم ابو حمدان ملزم علينا ومانا كاسرين كلمته قالوا العيال يستاهل ,,, تــــــم ,,,
جلسنا وتعشينا بس مو مع المعرس في صحنه عشان كان معاه عمه وابوه وخواله الشيبان ,, تعشينا مع
اخوانه ,,, وضحك وسوالف وبعد العشا تقهوينا ومشينا ,, و كل واحد منا راح لبيته عشان نستعد للمعركه
اكيد فاهمين وش هي معركته
بس ما صار لنا شي !!! اثر خوينا ( ابو خروع ) كب الخروع في قدر الحريم وليلتهم فل بالصلاه على النبي ,,
حسينا بتأنيب الضمير بعد فترة شهر واعترفنا لخوينا ونحسبه بيزعل قال بقلعتهم اهم شي الليله الاولى
اجتزناها بتفوق ولا الحريم يستاهلون لأن يوم زفوني داخل القصر اسمع الحريم يضحكن علي واللي
تقول ( قطعا هالوجه ) وانتم بردتوا قلبي ..
واحد في ليلة الدخله لما راح لعش الزوجيه .. يقول كانت الليله رومانسيه لأبعد الحدود والـ مالي المكان وفجأه وانا اسولف معها غلط باسمها بدل ماقول جواهر قلت هند !! وانقلبت الليله كحلي .. ومن يومها ولي الحين ثلاث سنين وهي تسال من هي هند اللي غلطت باسمها ليلة الدخله .. ؟
وهذا واحد شين مره يعني مهوب مره لكن مقاييس الوسامه ماره جنبه وكانت متعديه السرعه ومامداه ياخذ منها شي .. المهم وفقه الله ببنت مزيونه .. يقول :
في ليلة الدخله وكنا في قصر الأفراح .. وفي الزفه كنت ماسك المدام ونمشي قدام هالخلق .. ومادريت الا اسمع وحده تقول : وع وش هالشين وش طيحه بهالمزيونه يقول لي يومك والله خاطري لو اشوفها الحين كسرت راسها
وبعد حبيب قلبي الله يحفظه ومطفوق شوي لكن على نياته والحمدلله انها بعد متفهمه .يقول الليله الاولى على بالي مسكت مصارحه .. وقلت لها عن علاقاتي القديمه ومادريت الا الدموع اربع اربع .. يابنت الحلال شفيك شصار .. خلاص ماضي وانتهى .. ومافكت الا يوم قلت ابحلي الجلسه وشغلت شريط مباراة وشافتني وانا مكسور والاسعاف تشيلني وقلت على بالي بحنن قلبها علي .. : تدرين كم وحده اتصلوا يتطمنون علي ...........
وفيه أخوين معرسين على أختين يوم جا ليلة الدخله ويغلطون يدخلون الكبير على الصغيرة والصغير على الكبيرة ولا درو الا الصبح أنهم غلطانيين؟؟؟؟؟؟
واحد بيسوون فيه ربعه مقلب وهو راعي مقالب ويوم جا لليلة العرس وأمسكوه بلقوة وأحلقو شنبه من زينه شين وزاد شينه
وهذا واحد الله يذكره بالخير يقول : يوم اصبحنا ورحنا المطار بنسافر .. وركبنا الطياره وقعدنا نسولف وخذت الجوال تقلب في الارقام .. يوم شافت اسامي مره نوف ومره مشاعل ومره خلود وانا منهمك اسولف معها .. وتسألني وش هالاسامي وقلت لها جعل الطياره تطيح بي انهم اسامي محلات اتعامل معها
واحد الله يذكره بالخير يقول كانت البنت خجوله وساكته يوم دخلنا البيت واسولف معها وساكته واقولها اقربي نتعشى .. ومعطتني الخامس .. طيب أأكلك .. ولا عطتني وجه .. يقول واقولها نكته ابيها تفك .. ومابه خبر .. يوم قلت اوديك لبيت اهلك وقربت وكلت حتى الصحون وماسكتت الا الصبح من السواليف
والمصيبه لين صرت تمشي في الزفه وقامت وحده من هالملاقيف وسحبت الغتره ولا البشت
فيه بعض الحريم في الزواجات مثل ماأسمع .. بس همهم يطلعون العيوب والأخطاء السبعه في العروس والعريس .. شوفي شوفي شلون تناظره ياقوي عينها .. طيب زوجته ياناس ياحبكم للقافة
وواحد يقول اول ما دخلنا غرفة الفندق المريديان نزعت البشت
وجلسنا على مائدة الفواكه وبدات باكل التفاحه وتقديمها للمدام
وبدا السكوت المميت بينا وما عرفت وشو السوالف اللي تقال بهذي الليله
ولاني ما عرف الا سوالف الكتب وآخر ما نزل منها وسوالف الحركات القومية والاحزاب
فقلت لها تعرفين وشو عن حزب البعث قالت مش كثير وهي مستحيه
فعطيتها درس مدته ربع ساعه عن حزب البعث
وبعدين قلت لها تعرفين شئ عن الحركة البابيه والبهائيه وحقيقة إسلاميتهم
فقالت اول مره اسمع فيهم وهاك نص ساعه شرح مركز مع شرب ماء وبيبسي كل خمس دقايق
خويك متحمس للي يعرفه وهي ما بس تهز راسها
قلت لها تعرفين شئ سارتر وتلميذته سيمون دي بوفوار وكتابها الجنس الأخر
قالت هذي اكله ولا وشو قلت لا هذولا رواد علم النفس الجنسي في فرنسا
ومحطت فيها نصف ساعه في كتبهم وآرائهم الفلسفيه
قلت لها تعرفين مقولات اهل الفلسفه في الانا والانا العليا والعقول العشره
قالت ولا يوم من الايام قابلتهم وامصع فيها ساعه لشرح تلك الفلسفه اللي ذبحها الغزالي ذبحا
وبصراحه استهواني الجو وحده بس تسمع وتهز راسها كانها تقولي كمان كمان
حتى جاء الفجر وانا اطلعها من كتاب وادخلها في فكر وفلسفه ومنطق
ووالله بعد ما رحنا الفراش توني بقول لها تعرفين ع...... ن م...بد ........ا وااااااااااااااااااو
وآخذها نومه من غير والله شعور ولا اجلس الا على الظهر
يوم قمت وشفت البنت نايمه وافرد خمس اصابع مخمس على وجهي واتذكر الغلطه الكبيره
اللي وقعت فيها واقول بنفسي ما تعرف تاجل هالسوالف لليله ثانيه
المهم بعدين لما اخذنا على بعض للآن كل ما تذكرنا الموقف
تقول والله ودي اقوم واخليك تسولف لحالك بس الحيا ذبحنا
وكل ما يجيني النوم اروح للحمام واغسل وجهي عشان ما ارحجك ولا افشلك
وكل ما ودي اغير الموضوع على طول تمسكني خط بموضوع ثاني
وقعدت اقول بقلبي ياو يلي ويلاه هذا الرجال يبي ينومني على كتب ويقعدني على مقالات
بس الحمد لله بدات تفهم ان الحياة مش بس كتب
قلت لها نعم تعلمتها من الطريق الصعب
واحــد من الربــع في أول ساعات اللقاء في عش الزوجية وبعد العودة من قصر الزواج , يقول لي إرتبكت ولا عرفت إش أقــول كل ماقلت سالفة أو فتحت موضوع حسيت إني من جنب القدة , إلى أن وبدون شعور سألتها سؤال سخيييف وياييييخ .
قال لها بالمناسبة :
متى وكيف مـــات الوالـــــد ( الله يرحمه ) !
ومن عقب هالسؤال وعينك ماتشوف إلى سيل ينهمر من الدموع وتطوّر المــر إلى المشاهق وسحب المناديل ويقول أبي أرقعها ماترقعت قلت لها ( كُــلنـــا لـهــا )
يقول ضفضفت بشتي ودخلت غرفة النوم ودبختها نومة , لكن قبل ما أنام رحت للمراية وشفت وجهي وقلت مااااااااااااااالت , هــذا سؤال ,,!
يقول كل ماتذكرت هالموقف مع الحرمة يجينا موجة ضحك غير طبيعية لكن بعد أشهر من الموقف طبعاً .
وواحد يقول يوم زواجه رحنا نبارك له وفيه واحد من العيال راعي شر اشترى من الصيدليه قارورة زيت خروع ام 5 اريل
لا حرام يا فلان تأذي الناس قال اذاهم في رقبة ( الكلب ) تكرمون -يقصد خوينا - دخلنا قصر الافراح
والله جماعته رحبوا فينا وماقصروا جلسنا وتقهوينا وقام خوينا ( ابو خروع ) وقال ابي اروح للدورة
وصفوها له وراح . اثاري الملعون جلس شوي ثم راح للمطبخ وشوي رجع لنا !!
انا كنت خايف لا يكشفونه وعاد عينك ماتشوف الا النور ,,,
يالله اكرمكم الله فمان الله ,, قال شايبهم ابد والله غير تتعشون ,,
قلنا له طال عمرك مشغولين واللي مستأذن من شغله واللي عنده ضيف بس جينا نسوي الواجب
المعرس شك قال لي اكيد سويتوا فيني مصيبه وبتنحاشون قلت ابد والله تبينا نتعشى ابشر ,, قال ايه تعشوا
قلت يا شباب العم ابو حمدان ملزم علينا ومانا كاسرين كلمته قالوا العيال يستاهل ,,, تــــــم ,,,
جلسنا وتعشينا بس مو مع المعرس في صحنه عشان كان معاه عمه وابوه وخواله الشيبان ,, تعشينا مع
اخوانه ,,, وضحك وسوالف وبعد العشا تقهوينا ومشينا ,, و كل واحد منا راح لبيته عشان نستعد للمعركه
اكيد فاهمين وش هي معركته
بس ما صار لنا شي !!! اثر خوينا ( ابو خروع ) كب الخروع في قدر الحريم وليلتهم فل بالصلاه على النبي ,,
حسينا بتأنيب الضمير بعد فترة شهر واعترفنا لخوينا ونحسبه بيزعل قال بقلعتهم اهم شي الليله الاولى
اجتزناها بتفوق ولا الحريم يستاهلون لأن يوم زفوني داخل القصر اسمع الحريم يضحكن علي واللي
تقول ( قطعا هالوجه ) وانتم بردتوا قلبي ..